Planas ve necesario amestar la biodiversidá y el "sofitu" a los ganaderos frente al llobu

Coag y Asaja espresen "descontentu máximu" por nun aconceyar col ministru Planas

El ministru d'Agricultura, Pesca y Alimentación, Luis Planas, resaltó esti miércoles, al respective del estatus de protección del llobu, que fai falta "protexer la biodiversidá", pero tamién "sofitar y defender" los intereses de los ganaderos españoles.

Planas fizo estes declaraciones nuna comparecencia énte los periodistes dempués de visitar les obres de la planta de cría de llinguaos de Sea Eight nel cai xixonés d'El Musel.

Enantes de la intervención del ministru, el conseyeru asturianu de Mediu Rural d'Asturies, Marcelino Marcos, plantegó la necesidá de qu'España saque al llobu del Llistáu d'Especies Silvestres en Réxime de Protección Especial (Lespre).